tg-me.com/drug0pen/83
Last Update:
من علامات الاعجاز الالهى فى كرات الدم الحمراء ان ربنا خلقها خلايا بدون انوية No Nuclei وكمان بدون اى عضيات داخلها No Organelles وده عشان الخلية تتملى بشكل كبير بالهيموجلوبين . لدرجة بعض الكتب بيرفض تسميتها بكلمة Cells وبيفضلوا يسموها باسم ( Hemoglobin Sacs ) لانها فعلا عبارة عن مجرد كيس حاوى للهيموجلوبين .
السؤال بقى : ليه ربنا سبحانه وتعالى خلق كيس يتعبى جواه الهيموجلوبين ؟؟ ليه مسابش الهيموجلوبين حر طليق فى الدم ؟؟؟!!!
الهيموجلوبين ده جزىء كبير شوية ولو ترك حرا طليقا فى الدم هايمشى فى الدم وهايوصل للكلى وهايتفلتر عادى خالص بس هايسد الانابيب الكلوية Renal Tubules وساعتها هايعمل Renal Failure لانه هايمنع وظيفة الكلى .
مش بس كدة . الهيموجلوبين لو ترك حرا فى الدم هايزود لزوجة الدم وده هايزود TPR اللى هى total Peripheral Resistance ويزود ضغط الدم جدا وممكن يعمل جلطات كمان .
مش بس كدة . الهيموجلوبين لو ترك حرا فى الدم . هايزود Oncotic Pressure ويشتغل زى بروتينات البلازما يعنى هايشد ميا من الجسم الى جوة الوعاء الدموى وده هايزود حجم الدم Blood Volume وبالتالى دم اكثر هايرجع الى القلب ودم اكثر هايضخ من القلب وده اسمه Volume Overload يعنى القلب مضطر يتعامل مع حجم من الدم اكبر من المعتاد وعشان القلب يعمل الشغل الزيادة ده هنلاقى الياف القلب هاتتمط عشان تضخ الدم بقوة اعلى حسب قانون Starling وبمرور الوقت الالياف الممطوطة دى هاتضعف وترهرط لانها تجاوزت حدود Starling Law ويقلب الامر بفشل قلبى Heart Failure
اذن فشل كلوى وفشل قلبى وضغط دم مرتفع ودم لزج وجلطات كمان . كل ده هايحصل لو ربنا خلق الهيموجلوبين حرا طليقا فى الدم وكل ده بيحصل بالفعل فى عمليات نقل الدم الخاطئة اللى بيحصل فيها تكسير لكرات الدم الحمراء وانطلاق للهيموجلوبين حرا طليقا فى الدم .
سبحانك يا رب <3
BY قناة الدواء والقلم💊✒️
Warning: Undefined variable $i in /var/www/tg-me/post.php on line 280
Share with your friend now:
tg-me.com/drug0pen/83